VOV4.Mnông-Nar 28/12, ta Đà Nẵng, kruanh dak Nguyễn Xuân Phúc tât râng tâm nchră ta nkuăl ƀon têh Đà Nẵng: Nău dơi n’hanh nău ŭch geh. Tĭng nău mbơh tơih bâh nkuăl ƀon têh, bâh ntơm nkuăl ƀon têh geh Trung ương mât uănh năm 1997 tât aƀaơ, Đà Nẵng lĕ jêng ntŭk leo bôk năp mpeh nău wăng sa ta nkual miền Trung. Ăp nău dơi geh lôch 25 năm ba năp lah njoat hăn rgâl săk nơm têh dăng, nău wăng sa hun hao mbro. Rnôk ê hŏ geh mâp nău jêr bâh nuh srê, năm 2019 nău wăng sa bâh Đà Nẵng geh bơi tât 69,500 rmen prăk, nău geh râng du hê bôk nuĭh rlău 97 rkeh prăk/du năm. Bol ma mâp jêr jŏt yor nuh srê Covid-19, năm aơ, nău wăng sa bâh n’gor geh bơi tât 64 rbăn rmen prăk. Nkuăl ƀon têh lĕ geh nău rgâl mhe têh dăng gay ma hun hao, Ntoh ngơi ta rơh tâm nchră, kruanh dak nkah đă Đà Nẵng mô dơi ơm bân thơ ma an geh rgum âk an nău hun hao rnoh prăk kon nuĭh kan gay ma kơl an hun hao. Đà Nẵng an geh hun hao jêng ntŭk tâm nđŭr tăch rgâl lam ntur neh, ntŭk tât ueh bâh ăp nuĭh ntuh kơl, năch tât pâl nđaih, lah du nău nsrôih têh, leo kan bôk năp mô dơn nău ngăch hun hao wăng sa bâh lam dak, ma hôm nha lah du nău ntĭt n’hanh nău ryơk rnê rhơn mpeh nău hun hao rlet rlău jêr jŏt, kŏ văk, dâk hao geh nău dơi bâh Việt Nam.

Nuĭh rblang: Thị Đoắt