VOV4.M’nông: Di rnôk Việt Nam geh nau dơi nau kan Uỷ viên mô rnâng kan Hội đồng Bảo an Liên hợp quốc năm kan 2020-2021, Kruanh dak Nguyễn Xuân Phúc geh nau mbơh kan khlay, tâm nê lah rjăp Việt Nam mhe rnơm, mra mbăk âk nau kan bah lam ntur neh yor nau đăp mpăn ndrel hun hao nâp nâl. Ntoh tĭng nau ueh dăng ndrel nau mhe bah neh dak, đah nau nsôih prêh, Việt Nam hŏ râng ndrel nchrăp ueh, đă âk nau kan mhe, rgop nau ngăn tâm nau kan bah Hội đồng Bảo an, đah nau ŭch mro nê lah “Dak tâm boh kan nsum yor nau đăp mpăn nâp nâl” tâm nau joi nau kan njrăng, rdâng, rklaih nau tâm rkeh, tâm rgop kan nsum Hội đồng Bảo an đah ASEAN, rdâng đah ăp nau ntul rlong đah nau rnă njrăng ndrel đăp mpăn lam ntur neh, tă bah nau kơt tĭng Hiến chương Liên hợp quốc ndrel luật pháp lam ntur neh. Nau kan nê, kŏ ntoh nau ueh bah du Việt Nam ueh, rgâl mhe, đah nau kan dăng ndrel nau rƀŏng uănh, nau mpŏng hun hao neh dak nâp nâl tâm năm 2045 hŏ nchrăp luh ta Đại hội Đảng tal XIII. Nsum ty đah nsum mpôl lam ntur neh nar aơ, lah du dak Việt Nam mhe geh nau rnơm, mra mbăk âk nau kan khlay bah lam ntur neh yor nau đăp mpăn ndrel hun hao nâp nâl./.

Nŭih rblang: H’Thi