VOV4.M'nông: Ôi 10/1, Kruanh dak Nguyễn Xuân Phúc wơt Đại tướng Vilay Lakhamphong, Ủy viên Bộ Chính trị, Bộ trưởng Bộ Công an Lào dôl khâl, pah kan ta Việt Nam. Ntơh măt kruanh rđău kan Đảng, Ngih dak Việt Nam, Kruanh dak Nguyễn Xuân Phúc mbah rhơn wa Vilay Lakhamphong dơi sơch lah Ủy viên Bộ Chính trị, nkre lah kruanh rđău kan Bộ Công an lor bôk năp dơi ntăm ƀư Đại tướng Công an ƀon lan bah Lào.

Kruanh dak ŭch rŏng Bộ Công an bar dak mât uĕh tay nău way ơm uĕh lăng, n'hao dăng tâm boh lhăt, lăp jru, nkre nkra ăp nkô̆ nău têh jong, nkre tâm boh ta ăp trong kan na nê̆ kơt rlăch ndăng nuĭh tih mạng, công nghệ; njrăng n'gang nuĭh tih ma túy. Bộ trưởng Bộ Công an Lào lah uĕh nău ntop kơl khlay bah Đảng, Ngih dak Việt Nam n'hanh Bộ Công an Việt Nam way dăch dêh kơl Lào, lơn lah ta ăp rơh jêr jŏt./.  

Nuĭh rblang: Điểu Thân