VOV4.M’nông – Tâm kêng măng nar 21/12 đŏng, tâm rnôk khâl gưl ngih dak tât dak Campuchia, Kruanh dak Nguyễn Xuân Phúc lĕ geh rơh rgum nchră đah Kruanh Quốc hội Campuchia Heng Samrin. Ta rơh rgum nchră, 2 nuĭh kruanh lah rjăp Việt Nam n’hanh Campuchia lah 2 dak oh nô dăch dêh, geh nău way ơm tâm rnglăp, tâm kơl n’hanh tâm kơl ndrel, lah nău ntô̆ n’hao n’hanh drăp ndơ khlay bah 2 rnoi mpôl ma ăp rơh bah kơi bah 2 dak an mât tay, mât ndray n’hanh mât uĕh tay.

Kruanh dao Nguyễn Xuân Phúc rgum nchră Kruanh Thượng viện Campuchia

2 ding tâm ban ŭch tâm năm tât mbra mât uĕh tâm mâp, tâm rgâl gưl prêh n’hanh ăp gưl ƀa ƀơ ta ăp trong; n’hao tâm rgâl nău blău ơm kơt ƀư ăp rơh tâm nđŭr đah ăp Nghị sĩ, Rmôt Nghị sĩ hữu nghị, Rmôt bu ur ntoh măt Quốc hội, Rmôt ntoh măt Quốc hội druh ndăm 2 dak; mât uĕh nău ƀư bah Quốc hội 2 dak tâm nău ntrŭt tâm boh ăp ding; tâm rgop jăp, tâm kơl ndrel ta ăp rƀŭn nghị viện nkual n’hanh lam ntŭr neh kơt AIPA, Liên minh nghị viện Lam ntŭr neh, rƀŭn Nghị viện châu Á-Thái Bình Dương.

Nuĭh rblang: Y Sưng Phê Ja