VOV4.M’nông – Nkhêp di nkah gĭt 30 năm Quốc khánh Cộng hòa Kazakhstan (16/12/1991-16/12/2021), ndơn măt Quốc hội Việt Nam n’hanh êng nuĭh, Kruanh Quốc hội Vương Đình Huệ lĕ njuăl sam ƀŭt mbah rhơn tât wa Maulen Ashimbayev, Kruanh Thượng viện n’hanh wa Nurlan Nigmatulin, Kruanh Hạ viện Cộng hòa Kazakhstan. Tâm ăp sam ƀŭt rhơn, Kruanh Quốc hội rhơn răm gĭt saơ tâm ăp năm bah năp, tâm boh dăch dêh way ơm n’hanh kan ndrel âk ntil đah Việt Nam-Kazakhstan n’hanh tâm boh kan ndrel đah Ngih pah kan ndâk njêng pháp luật 2 dak mô rlu nâp nâl n’hanh hun hao. Kruanh Quốc hội nsing nơm tâm năm tât mbra kan ndrel tay đah Kruanh Thượng viện n’hanh Kruanh hạ viện Kazakhstan gay ntrôl nău tâm boh dăch dêh n’hanh kan ndrel uĕh lăng Việt Nam-Kazakhstan yor nău geh bah nuĭh ƀon lan 2 dak, yor đăp mpăn, kan ndrel, hun hao ta nkual n’hanh lam ntŭr neh.

Nŭih blang: Y Sưng Phê Ja