VOV4.M’nông – Ntoh ngơi lôch jêh ta Rƀŭn wăng sa Việt Nam 2021, Kruanh Quốc hội Vương Đình Huệ lah rjăp, nău mbơh dŭt di, tâm ban ŭch n’hanh dơi ngơi âk ta Rƀŭn nchră lah he an hao êng, geh nău wât đah jâng bah nơm, mô rlu rgâl nău dơi mât uănh neh dak kơt nău dơi mât uănh doanh nghiệp; hăn ndrel, mô rlu tâm rnglăp tâm dak ma hôm n’hao tâm rnglăp, kan ndrel lam ntŭr neh, tâm nkual. Tĭng kruanh Quốc hội Vương Đình Huệ, gay ơm dôh rklaih jêr jŏt, mkra ăp nău hôm e, ntrôl hao, hun hao wăng sa tâm năm tât, ăp ngih pah kan bah Quốc hội, Chính phủ an nsrôih, ndăn gŭ mĭn njêng, tĭng ăp nău rgop khlay bah ăp nuĭh way kan, nuĭh khoa học, ăp rmôt kan tâm dak n’hanh dak bah dih, ăp doanh nhân gay ndơ̆ ăp trong mkra ngăch n’hanh tâm di.

Nŭih blang: Y Sưng Phê Ja