VOV4.M'nông: Măng 5/1, ta Hà Nội, Radio ƀoh rup Quốc hội Việt Nam ƀư Lễ nkah ndray  7 năm nar pơk ƀoh rup lor bôk năp (06/01/2015 – 06/01/2022) n'hanh ntoh măt ndru mbrô. Kruanh Quốc hội Vương Đình Huệ, Groi kruanh Rnâng kan Quốc hội Trần Thanh Mẫn tât râng nkah ndray.

Lah ta rơh nkah ndray, Kruanh Quốc hội Vương Đình Huệ ŭch rŏng, Radio ƀoh rup Quốc hội Việt Nam mât uĕh tay ntŭk khlay gŭ kan bah du mbrô ƀoh rup khlay bah neh dak mô rlu rgâl mhe, hun hao lĕ mpeh "săk" n'hanh "tam", lah ntung njŏ nsing nơm ngăn đah Quốc hội n'hanh cử tri n'hanh ƀon lan lam dak, gay "cử tri ta ah ntŭk, Radio ƀoh rup Quốc hội Việt Nam gŭ ta nê". Nkhêp geh rnôk dja, Radio ƀoh rup Quốc hội Việt Nam ntoh măt ndru mbrô kalơ internet ta ntŭk pơk uănh quochoitv.vn. Aơ dơi mpŏng mbra lah rgum nkô̆ mbrô mpeh ăp nău kan bah Quốc hội, kruanh rđău kan Quốc hội, bah ăp nhih pah kan mpeh Quốc hội, bah ăp đại biểu Quốc hội; lah ntŭk nsing buăt nthoi, tâm dâl nău n'hanh uĕh mhe nkô̆ rhŏ dŏng cử tri lam dak./.

Nuĭh rblang: Điểu Thân