VOV4.M’nông: Tâm kêng măng 13/12, tâm rơh hăn khâl ngăn tât dak Hàn Quốc, ta Thủ đô Seoul, Kruanh Quốc hội Vương Đình Huệ ndrel Kruanh Quốc hội Hàn Quốc Park Byeong Seung hŏ ndrel râng rơh tâm nchră rmôt kan tăch rgâl Việt Nam-Hàn Quốc. Ntoh nau ta nar tâm nchră, Kruanh Quốc hội Vương Đình Huệ lah rjăp, Quốc hội Việt Nam kơl an n’hao lơn tay nau tâm boh đah Việt Nam-Hàn Quốc hao du nhoat tâm boh nchră nau ăp ntil. Nau tâm nchră aơ mra jêng nau ntrŭt dăng ân nau tâm boh kan nsum đah 2 dak. Mbơh đah ăp rmôt kan tăch rgâl Hàn Quốc mpeh nau kan Việt Nam, ăp nau tă dơi khlay mpeh nau nkân njrăng srê Covid-19 ndrel ndâk nau văng sa tâm rơh rlau aơ, Kruanh Quốc hội lah rjăp nau dơi văng sa tơm bah Việt Nam hôm đăp mpăn, Chính phủ Việt Nam dôl ndâk bôk nau kan rgum mpeh nau njrăng, rdâng srê Covid-19 tĭng trong ƀư ân tâm di, nâp, nkân njrăng srê ân nâp tam. Bôk năm 2022, Việt Nam mra rlong pơk ăp trong mpăr tât dak ba dih, pơk trong ân ăp rmôt kan hăn ro, tâm boh văng sa./.

Nŭih rblang: H’Thi