VOV4-Mnông- Ta thủ đô New Dehli, kruanh Quốc hội Vương Đình Huệ lĕ vơt kruanh n’gâng kan nchră nău đah dak bah dih Ấn Độ Jaishankar (Giai-san-ca). Ta rơh vơt, kruanh Quốc hội Vương Đình Huệ lah na nê̆, Việt Nam way uănh khlăy tâm boh kan ndrel lĕ rngôch Việt Nam-Ấn Độ. Kruanh n’gâng kan nchră nău đah dak bah dih Ấn Độ lah na nê̆ việt Nam n’hanh Ấn Độ geh nău tâm rnglăp nâp ueh, way geh tâm knơm ndrel, tâm boh kan hun hao ueh ta âk ntorng kan bôl ma geh âk nău kŏ văk, ntul rlong. Bar dak hôm nha geh nău dơi tâm kơl tâm ăp ntrong kan khoa học, công nghệ. Bar dak lĕ tâm kơl tâm ăp ntrong kan văn hóa, ntĭm nti n’hanh tâm nđur đah ƀon lan. Ntoh ngơi ta rơh kahgĭt, kruanh Quốc hội Vương Đình Huệ dăn đă bar dak tâm let năp tay tâm rgop na nê̆ ƀư ueh bôk nău pah kan 2021-2023 mbơh ƀư ueh tâm rgop kan ndrel lĕ rngôch n’hanh mpŏng uănh nsum mpeh đăp mpăn, têh kuăng n’hanh nuĭh ƀon lan lĕ geh mbơh ta khay 12/2020 gay ma mô rlu n’hao tay lơn nău tâm boh kan ueh aƀaơ đah bar dak.

Nuĭh rblang: Thị Đoắt