VOV4.M'nông: Nkhêp geh hăn khâl ngăn Ấn Độ, Kruanh Quốc hội Vương Đình Huệ n'hanh mpôl ntơh măt gưl têh Quốc hội dak he khâl cán bộ, nuĭh kan aại sứ quán Việt Nam ta Ấn Độ, mâp nuĭh Việt ta Ấn Độ. Nkoch bri đah cán bộ, nuĭh kan bah Đại sứ quán Việt Nam ta Ấn Độ, mpôl nuĭh Việt ta Ấn Độ, Kruanh Quốc hội Vương Đình Huệ lah rjăp nuĭh kônh wa lah ndŭl mham mô dơi tăch luh, lơn lah đah trong kan tâm rnglăp lam rnoi nuĭh bah Đảng n'hanh Ngih dak he tĭng nuih n'hâm Nghị quyết 36 n'hanh nău ntrŭnh 45 bah Bộ Chính trị mpeh pah kan nuĭh Việt Nam gŭ ta dak bah dih. Let năp tay, Quốc hội, Chính phủ mbra rđău đă ăp nhih pah kan geh tât ƀư lôch jêh ăp tŏng lam trong kan pháp luật, rgâl dơh glêh si ƀŭt mât kan, njêng ntŭk nsing tâm di ăp kôp, dơn ngoăy an nău tĭng ƀư n'hanh groi nđôi nău tĭng ƀư pháp luật mpeh nuĭh Việt Nam gŭ ta dak bah dih. Kruanh Quốc hội mpŏng, let năp tay mbra dơi uănh saơ ăp nău mhe tâm boh bar dak, tâm ban kơt uănh saơ ăp nău dơi têh lơn bah lĕ rngôch ăp cán bộ nuĭh kan sứ quán tâm ban kơt ƀon lan he ta Ấn Độ.

Nuĭh rblang: Điểu Thân