VOV4.M’nông: Kêng măng 15/12, tĭng mông dak Ấn Độ, Kruanh Quốc hội Vương Đình Huệ ndrel rmôt kan ntoh măt gưl prêh Quốc hội dak nơm hŏ tât tach ndeh mpăr tahen Palam, New Delhi, ntơm rơh khâl ngăn tât Ấn Độ tĭng nau jă bah Kruanh Hạ viện dak Ấn Độ Om Birla ndrel Kruanh Thượng viện dak Ấn Độ Venkaia Naidu, ntơm lơ 15-19/12/2021. Vơt rmôt kan dak nơm tâm tach ndeh mpăr Ấn Đôk geh Kruanh Uỷ ban tâm nchră đah dak ba dih bah Ấn Độ Shri P P Chaudhary ndrel du đê̆ Thượng nghị sỹ, Hạ nghị sĩ, rđau kan Văn phòng Quốc hội, cán bộ ƀư nau kan bah Văn phòng Quốc hội Ấn Độ.

Tâm rơh khâl ngăn Ấn Độ tâm rơh aơ, Kruanh Quốc hội Vương Đình Huệ mra tâm nchră đah Kruanh Hạ viện Ấn Độ, tâm nchră đah Kruanh Thượng viện, Groi Tổng thống Ấn Độ ndrel Thủ tướng Ấn Độ, vơt Tổng bí thư Đảng cộng sản Ấn Độ, râng di nkah 5 năm tâm boh kan nsum ăp ding Việt Nam-Ấn Độ, khâl uănh ntŭk mpla rup 50 năm tâm boh bar dak Việt Nam-Ấn Độ, vơt rđau kan ăp rmôt tâm boh ndrel băl bên bah Việt Nam, râng tâm nchră đah rmôt kan tăch rgâl./.

Nŭih rblang: H’Thi