VOV4.M'nông: Kêng măng 20/12, ta Jay Quốc hội, Kruanh Quốc hội Vương Đình Huệ hŏ mâp măt ăp Đại sứ, Kruanh nhih pah kan ntơh măt tâm boh dak bah dih Việt Nam gŭ ta dak bah dih sĭt râng Tâm nchră dak bah dih tâl 31. Nkoch bri ta rơh mâp măt, Kruanh Quốc hội Vương Đình Huệ nkoch đah n'gâng kan tâm boh dak bah dih tâm ban kơt nhih pah kan ntơh măt tâm boh dak bah dih tâm nô nău tâm boh ta dak bah dih, geh ăp nhih pah kan gŭ dŭt ngai neh dak.

Tâm bah ri aơ nơh, đại sứ quán n'hanh nhih pah kan ntơh măt tâm boh dak bah dih Việt Nam hŏ geh tât khuch dŭt hô tă bah nuh srê Covid-19. Quốc hội, Ủy ban Thường vụ Quốc hội ndrel đah Đảng, Ngih dak dŭt uănh khlay tât nău n'hao rnoh prăk khay an cán bộ tâm boh dak bah dih tâm ban kơt ntuh kơl mpeh nhih pah kan ăp đại sứ quán, nhih pah kan ntơh măt tâm boh dak bah dih Việt Nam gŭ ta dak bah dih. Yơn lah, âk ntŭk hôm dŭt jêr jŏt. Tâm rnôk nê, ăp đại sứ, kruanh nhih pah kan ntơh măt Việt Nam ta dak bah dih hôm nsrôih rlău ăp jêr jŏt gay pah kan n'hanh geh nău dơi uĕh đŏng./.

Nuĭh rblang: Điểu Thân