VOV4.M’nông – Pah kan đah kruanh n’gâng tơm bah n’gor Vĩnh Phúc mpeh jêh mbơh ƀư Nghị quyết Đại hội Đảng lam dak rơh tal 13 n’hanh Nghị quyết Đại hội Đảng ƀọ n’gor Vĩnh Phúc rơh tal 17, Kruanh Quốc hội Vương Đình Huệ uănh lah: jêh 25 năm, n’gor Vĩnh Phúc lĕ hao têh dăng, jêng ntŭk ang mpeh hun hao wăng sa-rêh jêng mpeh wăch rgum ntuh kơl tâm nkual wăng sa khlay Bắc Bộ n’hanh ta lam dak. Ntoh ngơi ta nar pah kan, Kruanh Quốc hội Vương Đình Huệ đă n’gor Vĩnh Phúc mbơh ƀư tay săk rnglăy Nghị quyết Đại hội 13 bah Đảng n’hanh Nghị quyết Đại hội 17 Đảng bộ n’gor, ăp nău ntĭm đă, nghị quyết, nău ntrŭnh bah Trung ương mpeh ndâk njêng Đảng. Rgum ƀư ngăch săk rnglăy nău rƀŏng nkre njrăng n’gang Covid-19, nkre rdâk hao, hun hao wăng sa-rêh jêng, mât njrăng săk soan, nău rêh bah nuĭh ƀon lan ndrel đah rgum dôh rklaih jêr jŏt an nkra njêng, tăch rgâl, ntop kơl săk rnglăy nuĭh ƀon lan n’hanh doanh nghiệp.

Nŭih blang: Y Sưng Phê Ja