VOV4.Mnông: Măng nar 5/12, Ban tuyên giáo Trung ương ƀư bôk nău kan tâm nđur lam dak ăp nuĭh ntoh lư tâm nău nti n’hahh pah kan tĭng nău mĭn, nău ueh, ntrong kan Hồ Chí Minh đah nău ntơ “Hồ Chí Minh- ntrong kan ŭch rŏng năm 2021”. Rgŏ lĕ bôk nău kan lah ăp nău nkoch dŭt ueh, dŭt dêh bên đah wa Hồ, mpeh ăp nău ueh ang kơt tĭng tâm nău rêh ăp nar geh mbơh bâh nău mĭn, ntrong kan Hồ Chí Minh.

Ndơn an nuĭh leo kan Đảng, ngih dak, kruanh Quốc hội Vương Đình Huệ rhơn n’hanh rnê ăp ntŭk kan, nuĭh kan ntoh lư ta lam dak n’hanh ƀon lan he ta dak bah dih. Tâm rnôk geh ƀư tĭng Chỉ thị mbrô 5 mpeh “Ntrôl dăng nău nti n’hanh pah kan tĭng nău mĭn, trong kan Hồ Chí Minh”, lĕ n’hanh dôl geh ntoh âk nuĭh ntoh ang ntoh lư, geh nău nsuk nsôr nuih n’hâm cán bộ đảng viên n’hanh ƀon lan nsrôih nti n’hanh pah kan tĭng nău mĭn, nău ueh n’hanh ntrong kan Hồ Chí Minh. Kruanh Quốc hội Vương Đình Huệ ŭch Ban tuyên giáo Trung ương n’hanh ăp ntŭk kan, n’gâng kan an geh mât tay, n’hanh n’hao tay lơn ăp nău kan khlay ueh aơ.

            Nuĭh rblang: Thị Đoắt