VOV4.M’nông: Kêng măng 17/12, ta ntŭk kan Rmôt tâm boh kan nsum Ấn Độ, Kruanh Quốc hội Vương Đình Huệ ndrel rmôt kan gưl prêh ntoh măt bah Việt Nam hŏ râng nau nkah 5 năm nau tâm boh kan nsum ăp ntil Việt Nam-Ấn Độ. Kruanh n’gâng kan nchră nau Ấn Độ lah rjăp Việt Nam ndrel Ấn Độ geh nau tâm boh rjăp, mro tâm rnơm, tâm boh hun hao âk nau kan bol ma hôm âk nau nol, nau ntul rlong. Bar dak hôm âk nau dơi gay tâm boh tâm ăp nau kan khoa học, công nghệ.

Bar dak kŏ tâm boh nâp tâm nau kan vay ơm kơt văn hoá, ntĭm nti ndrel tâm n’ur ƀon lan. Ntọh nau tâm nar nkah, Kruanh Quốc hội Vương Đình Huệ đă bar dak tâm rơh tât ân tâm rgop ngăn ƀư ueh Bôk nau kan 2021-2023 ntrŭt dăng nau tâm boh kan nsum ăp ntil ndrel nau rƀŏng nsum mpeh nau đăp mpăn, nâp nâl ndrel nŭih ƀon lan hŏ nchră tma khay 12/2020 gay mô rlu hun hao lơn tay nau tâm boh ueh lăng rnôk aơ bah bar dak./.

Nŭih rblang: H’Thi