VOV4.M’nông: Lŏ bôk nau kan tâm rơh hăn khâl ngăn tât Hàn Quốc, Kruanh Quốc hội Vương Đình Huệ hŏ râng nau tâm nchră đah rmôt kan têh bah Hàn Quốc yor Công ty Kim ndrel Chang ƀư. Ntoh nau tâm nar tâm nchră, Kruanh Quốc hội Vương Đình Huệ lah rjăp, nau tâm boh Việt Nam-Hàn Quốc tâm rnôk dôl ma hun hao ueh ngăn ndrel nchrăp gay ma nkah 30 năm ndâk nau tâm boh nchră nau năm 2022. Tâm rơh khâl rnôk aơ, Kruanh Quốc hội Vương Đình Huệ mbơh, hŏ râng uănh nau kí ton ndrel pă 27 săm ƀŭt kơp dơn, ăp nau nchrăp ntuh kơl đah ăp ntŭk kan, nkuăl bar dak đah rnoh bơi tât 10 rmen đola, nchrăp mra leo tât nau mhe ngăn ân nau kan ntuh kơl, tăch rgâl bah 2 ding tâm rnôk mhe. Tâm rnôk tâm nchră, ntoh măt ăp rmôt kan bah Hàn Quốc hŏ đă ntrŭt dăng nau tăch luh phe kơl an Việt Nam, ŭch joi uănh ngăn mpeh nau kan bah Việt Nam đah nau hun hao ndreh ôtô điện, đă Việt Nam ƀư ndrel geh râng tâm nau kan Mobile Mney, ngân hàng mrô, uănh nau n’huch soay ân lor, geh nau kan ân manh prăk gay rgum tâm nkuăl ƀon lan, hun hao văng sa ƀon lan, tâm boh nau kan nsum./.

Nŭih rblang: H’Thi