VOV4.Mnông-  Kêng măng nar 19/12/2021, ta ntŭk kan Tổng thống Ấn Độ, kruanh Quốc hội Vương Đình Huệ lĕ tâm mâp đah Tổng thống Ấn Độ Ram Nath Kovind tâm rơh tât khâl dak Ấn Độ.

Bar hê nuĭh leo kan tâm ban ŭch an lah nău tâm boh kan đah bar dak ăp nar lơ ma hun hao na nê̆ ta âk ntrong kan. Bar hê nuĭh leo kan tâm ban ŭch geh mât tay ăp rơh tât khâl n’hanh tâm mâp gâl têh n’hanh ăp gâl bâh ngih dak, chính phủ, Quốc hội n’hanh ta ăp ntŭk kan Đảng, ntŭk kan n’hanh tâm nđur nghị sĩ tâm rnglăp kan ndrel, tâm nđur ƀon lan. Nkre lah tâm ban ŭch leo ƀư ăp nău kan khlăy, na nê̆ kahgĭt 50 năm nar njêng tâm boh kan nchră nău đah dak bah dih tâm năm 2022. Bar ding lah na nê̆ tâm rgop tay na nê̆ n’hanh tâm kơl ta ăp rơh tâm mâp đah âk dak bah dih n’hanh ta nkual. Việt Nam n’hanh Ấn Độ geh kơl tay ăp nău nsrôih ntrôl an doh rklaih ăp nău tậm rkeh bâh ăp ntrong kan mât đăp mpăn, an tâm di đah Luật pháp lam ntur neh.

Nuĭh rblang: Thị Đoắt