VOV4.M'nông: Tâm kêng măng nar 13/12/2021, ta Jay Quốc hội Hàn Quốc, Thủ đô Seoul, Lễ wơt Kruanh Quốc hội Vương Đình Huệ n'hanh Mpôl ntơh măt gưl têh Quốc hội Việt Nam ƀư khuh n'gôr đah nău ƀư tơm bah Kruanh Quốc hội Hàn Quốc Park Byeong Seug. Lôch rnôk wơt, Kruanh Quốc hội Vương Đình Huệ n'hanh Kruanh Quốc hội Park Byeong Seug ndrel Mpôl ntơh măt gưl têh Quốc hội bar dak ƀư tâm nchră. Bar kruanh rđău kan lah rjăp bol ma nuh srê Covid-19 tât krit nji yơn tâm boh bar dak mât uĕh tay rbông jâng hun hao kalơ ăp  trong kan, lơn lah tâm boh chính trị, wăng sa, rnă njrăng, njrăng n'gang neh dak n'hanh tâm nđŭr ƀon lan bar dak. Bar ding ndrel ŭch nău n'hao trong tâm boh bar dak hao gưl "Tâm boh têh jong lam lĕ rngôch Việt Nam – Hàn Quốc” nkhêp nkah ndray 30 năm njêng tâm boh Việt Nam – Hàn Quốc. Kruanh Quốc hội Vương Đình Huệ ŭch rŏng Hàn Quốc tâm pă nău tă ơm gĭt kan hun hao wăng sa, tâm nê geh hun hao kloh uĕh, rgâl mhe. Bar ding tâm ban ŭch nsrôih rnoh tât n'hao geh tăch rgâl bar ding hao tât rnoh 100 rmen đôlar năm 2023 n'hanh 150 rmen đôlar tâm năm 2030.

Nuĭh rblang: Điểu Thân