VOV4.Mnông- Dơn nău jă bâh kruanh Quốc hội Đại hàn Dân quốc Park Byeong Seug, kruanh Quốc hội Vương Đình Huệ n’hanh mpôl đại biểu gâl têh Quốc hội lĕ tât tach ndeh păr đah dak bah dih Incheon, thủ đô Seoul, ntơm rơh tât khâl Đại Hàn Dân quốc bâh nar 12-15/12. Vơt ta tach ndeh păr mpeh đah Hàn Quốc geh groi kruanh rmôt kan nghị sĩ hữu nghị Hàn- Việt, nghị sĩ  Suh jung- Sook.

Ta rơh tât khâl aơ, kruanh Quốc hội Vương Đình Huệ n’hanh mpôl đại biểu gâl têh Quốc hội Việt Nam mbra geh rơh tâm nchră, tâm mâp đah nuĭh leo kan gâl têh bâh Hàn Quốc, geh ƀư tay ăp nău kan, ndơn kan bâh Hàn Quốc, râng rơh tâm nchră doanh nghiệp, tâm nchră đah ăp nuĭh leo kan doanh nghiệp bôk năp, vơt ăp doanh nghiệp pah kan bôk năp ta Hàn Quốc, geh saơ ăp nău tâm ton ký nău kan tâm kơl kan ndrel bâh ăp n’gâng kan, ntŭk kan, doanh nghiệp. Ngăn lah, ndơn kan bâh chính phủ bar dak mbra geh ký nău tâm ton mpeh bảo hiểm xã hội ndrel đah bar dak.

            Nuĭh rblang: Thị Đoắt