VOV4.M'nông: Tâm rnôk hăn khâl ngăn Ấn Độ, Kruanh Quốc hội Vương Đình Huệ wơt kruanh rđău kan ăp Tập đoàn, Công ty têh ta Ấn Độ. Wơt wa bu ur Roshni Nadar Malhotram, Kruanh Hội đồng Quản trị Công ty công nghệ HCL lah nuĭh bu ur dŭt ndrŏng ta Ấn Độ n'hanh gŭ tâm săk 100 bu ur dŭt têh ndrŏng tĭng dăp rgum bah Forbes năm 2019. Ta rơh wơt kruanh rđău kan Công ty công nghệ HCL, Kruanh Quốc hội Vương Đình Huệ mbah rhơn HCL hŏ jêng ngoăy tâm pe công ty công nghệ dŭt têh bah Ấn Độ; nkre rhơn rnê n'hanh ŭch an ăp nău kan tăch rgâl bah Tập đoàn ta Việt Nam, lơn lah tâm trong kan công nghệ n'hanh ntĭm nti tơm nuĭh kan săk blău âk. Wơt nuĭh ndrŏng Prakash Hinduja, Tập đoàn Hinduja, 1 tâm ăp Công ty rnăk wâl dŭt têh lam ntŭr neh, Kruanh Quốc hội Vương Đình Huệ an gĭt, ntuh kơl bah Ấn Độ lăp tâm Việt Nam hôm đêt rđĭl đah săk geh, rnoh hôm geh bah bar dak; mpơl nău mpŏng hăn khâl ngăn Ấn Độ rơh dja đah nău tât râng bah ăp nuĭh kan Chính phủ, n'gâng kan mbra nta trong dơh an ntuh kơl mhe bah Ấn Độ tâm Việt Nam.

Nuĭh rblang: Điểu Thân