VOV4.M’nông – Ta nar mâp măt nuĭh ntoh măt geh soan đah cách mạng, nuĭh rnăk wâl tahen lĕ khĭt di nkah gĭt 74 năm nar tahen khĭt, sôt rmanh, Thủ tướng Chính phủ an gĭt aƀaơ, rlău 9,2 rkeh nuĭh geh soan dơi dơn nău kơl an. Hang rbăn nuĭh Mê̆ Việt nam janh dăng dôl dơi mât rong. Rnoh rêh bah rnăk wâl nuĭh geh soan dơi tŏng ăp tâm ban mô lah âk lơn rnoh rĭng nsum bah ntŭk ƀon lan gŭ. Ntrong leo rsơl plơng đah nău rđău bah Đảng, mât uănh bah ăp gưl n’gâng kan ƀon lan, nău hăn ndrel bah MTTQ n’hanh ăp nsum mpôl chính trị rêh jêng kon nuĭh lĕ rêng hvi lam dak đah âk bôk nău kan ngăn n’hanh geh nkô̆, rgŏ jă nău rgop bnah lam ƀon lan an “Tơm prăk nkrem rsơl plơng” hao tât rbăn rmen prăk; bôk nău kan an jay tâm kơl, an ndrôm sam ƀŭt ntêm nkrem prăk an tahen sôt ramnh mô lah an prăk kơl kon hăn nti rnăk wâl dơi kơl.

Nŭih rblang: Y Sưng Phê Ja