VOV4.M’nông – Ôi 16/6, UBND n’gor Lâm Đồng lĕ geh sam ƀŭt mhe njuăl N’gâng kan prăk kaih, N’gâng kan ntĭm nti, UBND ăp nkuăl, nkual ƀon têh ngăn ƀư tĭng ntop kơl jŏ năm pah kan ƀư nai an tât rnôk geh nău ntrŭnh n’hanh ntĭm mhe bah Trung ương. Sam ƀŭt nkoch kloh, Luật ntĭm nti 43/2014/QH14 nar 14/6/2019 geh tam bah nar 1/7/2020 ntrŭnh mpeh prăk khay: “Nuĭh nai dơi dăp tâm di đah ntŭk kan nău kan n’hanh pah kan; dơi kơl lor geh ntop kơl êng nău kan tĭng nău ntrŭnh bah Chính phủ”. Yơn lah, tât aƀaơ, Trung ương mô hŏ geh sam ƀŭt ntrŭnh n’hanh ntĭm nău kơl prăk khay mhe. Yor rĭ, tâm rnôk kâp chính phủ n’hanh ăp n’gâng kan, nău kan Trung ương an sam ƀŭt ntrŭnh, ntĭm nău kơl prăk khay mhe n’hanh an ntop kơl nai đăp mpăn nău rêh, đăp mpăn pah kan, UBND n’gor tâm ban ŭch ƀư ntop kơl jŏ năm pah kan ƀư nai tât rnôk geh nău ntrŭnh n’hanh ntĭm mhe bah Trung ương.

Nŭih rblang: Y Sưng Phê Ja