VOV4.Mnông- Vơt tĭng nău kuăl jă bâh Tổng Bí thư, kruanh dak mpeh nău lĕ ƀon lan tâm rnglăp, lĕ n’hâm soan njrăng rdâng Covid-19, ndrel pah kan, kơl an ăp n’gor, nkuăl ƀon têh tâm nău kan njrăng rdâng nuh srê, bâh khay 7 tât aƀaơ, n’gor Lâm Đồng lĕ rgum ăp rnoh ndơ gay ma rvăt, kơl an bơi tât 29 rbăn tấn bum biăp, dŭt âk lah biăp, bum, play an nuĭh ƀon lan ta ăp ntŭk geh srê.

Tâm nĕ, geh dŭt âk lah kơl an nuĭh ƀon lan ta nkuăl ƀon têh Hồ Chí Minh đah rnoh bum biăp hao tât rlău 16.800 tấn, nkuăl ƀon têh Đà Nẵng bơi tât 2.300 tấn, ăp n’gor êng kơt lah Đồng Nai, Bình Dương, Khánh Hòa, Bình Thuận, Bà Rịa-Vũng Tàu, Phú Yên, Long An, Tiền Giang...rlău 9.600 tấn bum biăp. Tĭng nău mbơh bâh ntŭk kan tuch tăm mât rong n’hahnh hun hao ƀon lan n’gor Lâm Đồng, lĕ rngôch rnoh bum biăp aơ geh lĕ rnoh khlăy hao tât 188 rmen prăk, geh rgum bâh âk rnoh tâm rgop êng.

Nuĭh rblang: Thị Đoắt