VOV4.M’nông – Djiăt nău ntĭm rđău bah Thủ tướng Chính phủ, nkô̆ nău ntĭm bah ăp n’gâng kan, nău kan Trung ương, jêh rnôk lôch rgŏ jă bôk nău kan “Sóng n’hanh măy tính an oh”, nar 12/9, Kruanh UBND n’gor Lâm Đồng Trần Văn Hiệp lĕ ntĭm rđău, ntĭm ăp n’gâng kan, nău kan, ntŭk kan tâm rgop ƀư nău nchrăp na nê̆ mbơh ƀư. N’gor mbra ndâk njêng Ƀan rgŏ jă gay kuăl jă, ăp nuĭh bah n’gâng kan ƀon lan, doanh nghiệp, rmôt kan, nuĭh ƀon lan ta ntŭk ndrel ty kơl tơm prăk nkrem đah prăk măt mô lah rgop măy tính, bah năp măt ta ăp ntŭk tâm n’gor mâp jêr jŏt, ntŭk mô geh sóng, kon hŏk, sinh viên rnăk ach o, êp ach o. N’gâng kan Thông tin n’hanh Truyền thông tâm rgop đah n’gâng kan ntĭm nti kơp uănh tay ăp ntŭk nkual jru ngai; ăp rnăk ach o, êp ach o gay nchih săk ăp kon hŏk mô geh măy tính, ndoh ndơ nti sŏng dăng tâm mạng internet.

Nŭih rblang: Y Sưng Phê Ja