VOV4.Mnông: Trôk nar duh [ư an nău bu tuh ta blân srat ntoh âk n’hanh dôl ntưp trêng âk hvi ta n’gor Lâm Đồng. nău du\t nkah lah, mô dơn [ư khuch ak mpeh nău wa\ng sa  ta tơm blân srat ma a[aơ ntil kaman aơ [ư khuch âk tât tơm tăm êng đo\ng, tâm ne\ geh tơm biăp n’hanh kao bâh nkuăl [on têh Đà Lạt n’gor Lâm Đồng [ư an [on lan tup ta nău jêr jo\t.

Mhe rôk jăng ăp tơm kao cúc mô hôm jêng yor geh nău bu tuh hô, mô hôm dơi geh săm bah, nô Nguyễn Tấn Duy, ta tổ 20, phường 4, nkuăl [on têh Đà Lạt n’gor Lâm Đồng an g^t, kao tết năm, mhe nơh rnăk vâl khuch roh dơm du\t âk, yan aơ nsrôih mat chăm, săch tơm ntil ueh bâh ăp mir ươm geh nău knơm lôch ne\ puh dak si to\ng ăp t^ng di nău nt^m đă bâh ăp ntu\k kan têh yơn mir kao hôm nha geh ntưp bu tuh âk. A[aơ le\ rôk jăng rlău 50% rnoh kao tâm mir, kơt lah roh dơm du\t âk.

“Yan aơ gâp [ư rlău 1 sào, klâp ma 90 tât 100 rbăn tơm ma le\ khuch da dê. Rnôk bôk năp geh êr n’ha, lôch ne\ kue nko kao mô geh dang, lôch ne\ khuch pă le\ rngôch. Bôl ma le\ bơm, do\ng âk ntil dak si yơn mô dơi săm bah, nu^h tăm roh dơm mô hôm dơi geh”.

Tâm ban kơt rơh yan kao cúc aơ rnăk vâl wa Cao Quảng Đà, ta nkual An Sơn, phường 4, nkuăl [on têh Đà Lạt le\ geh roh dơm yor nu srê ta mir kao cúc. Wa an g^t aơ lah yan kao mbro tal 3 rnăk vâl wa geh roh dơm yor rôk jăng le\ mir tơm.

“Gâp geh m^n ua\nh âk ntil dak si, le\ puh dak si n’hanh mat chăm du\t na nê| yơn lah mô dơi bah đo\ng. ăp sào ntuh kơl prăk ntil, [ư neh, nar tăm lah 20 rkeh prăk, lôch ne\ mât chăm an tât rnôk tơm kao le\ koh kao lah  roh hoach rlău 30 rkeh tay yơn rnôk geh bu tuh r^ rôk jăng đo\ng”.

Mô dơn kanu\ng ntoh ta ăp mir kao cúc, nău nuh srê yor bu tuh hôm nha geh ntoh ntưp n’hanh khuch âk ta tơm biăp, ngă lah đah biăp xà lách  ăp ntil. T^ng wa Nguyễn Thị Hằng, ta nkual Đất Mới, phường 7, nkuăl [on têh Đà Lạt, nău bu tuh ntoh geh [ư khuch âk ngăch, ntu\k tăm xà lách 2 rbăn met vuông neh bâh rnăk vâl mhe geh tăch, bu rvăt ê ho\ năn koh biăp r^ le\ kh^t tât 2/3 n’hanh ê ho\ geh bah. yan biăp xà lách aơ, rnăk vâl wa Nguyễn Thị Hằng kơt lah roh dơm.

“ Tăm 35 rbăn tơm ma păng kh^t le\ rngôch tât 2 gâl hôm. Rnăk vâl le\ tăch geh 20 rkeh prăk yơn a[aơ bu le\ dăn mplơ\ tay prăk”.

T^ng wa Đào Văn Toàn, groi kruanh ntu\kkan tuch tăm n’hanh mât tơm tăm n’gor Lâm Đồng, a[aơ nkuăl [on têh Đà Lạt, tât so\k ntil gay ma ua\nh năl nău bu tuh ta tơm kao cúc n’hanh biăp nđir ta Đà Lạt lah nău bu tuh bêk hoa\nh ta blân srat. Aơ lah ntil bu tuh geh saơ bôk năp ta Lâm Đồng ta năm 2016 ta tơm blân srat ta ntu\k tăm biăp âk ta nkuăl Đơn Dương, ntưp trêng bâh măch jui.

Nău du\t nkah lah ntil bu tuh aơ a[aơ ê ho\ geh dak si săm bah jêng nău kan njrăng rdâng mâp âk nău jêr jot. Gay ma bah ir nău bu tuh yor bêk hoănh ta blân srat [ư, rlău ma do\ng ăp ntil ndơ rgum săm, nu^h [on lan kan lo\ mir an geh [ư t^ng ăp nău nt^m đă bâh mpeh n’gâng kan tuch tăm.

“Geh du đê| ntil geh bu tuh âk kơt lah xà lách caron, cúc đại đoá bâh nău ua\nh nđôi ta ntu\k tăm lah păng geh bu tuh âk r^ he lơi hôm geh tăm âk ntil aơ. Tâm rnôk tăm an kahg^t, yor nău bu tuh aơ păng [ư khuch ta âk tơm tăm jêng [on lan an geh mat ua\nh kloh ueh ta ntu\k tăm he, mô an geh ăp nău bu tuh ơm geh ta mir, mô lah tâm pleh tăm  đah ăp ntil tơm tăm êng. Nău tay lah he an geh mât njrăng bu tuh n’hanh nău mât tăm an geh [ư ueh r^ mơ dơi njrăng nău bu tuh ta tơm tăm”.

Kaman bêk nhop huănh dơi saơ ntơm bah năm 2016 ta ntu\k rgum âk tăm biăp nkuâl Đơn Dương, n’gor Lâm Đồng. Tă bah mô ho\ geh dak si tam săm jêng bơi 3 năm ntoh, ntil kaman dja le\ ntoh n’hanh ntưp rêng lam hvi tât ăp ntil tơm tăm. Wa Nguyễn Văn Sơn, Giám đốc Sở Nông nghiệp n’hanh Phát triển Nông thôn n’gor Lâm Đồng an g^t ăp trong nkra kơl [on lan kan lo\ mir njrăng n’gang geh nău tam kaman bêk hoănh blân srat, bah ir khuch khat tât wa\ng sa.

Ơi wa, lôch bơi 3 năm ntoh ri kaman bêk hoănh blân srat le\ ntưp rêng lam hvi, lơh khuch âk ntil tơm tăm ta nkual [on têh Đà Lạt n’hanh nkuâl Đơn Dương, ndr^ n’gâng kan tuch tăm n’gor Lâm Đồng le\ geh moh trong nkra bah mêh?

            Wa Nguyễn Văn Sơn: Mpeh trong nkra bah kaman lơh khuch ta 2 ntil tơm tăm tơm lah ta blân srat n’hanh kao cúc ta Đà Lạt. lôch rnôk mpôl hên saơ ntoh ntơm bah năm 2016, 2017 ri n’gâng kan mât njrăng si tăm ta ntu\k le\ năl nkô| lah tă bah kaman lơh hôm, yơn bah trong ntưp rêng, mhâm [ư njrăng n’gang ri ân geh nu^h rnâng kan gu\ m^n. T^ng nê, mpôl hên le\ jă ăp nu^h rnâng kan tâm dak n’hanh dak bah dih gay uănh năl nkô| nău, ri păng lah ngoăy tâm ăp kaman njêng săk bah du ntil kaman a[aơ dôl geh ta lo\ sre.

            Lơn lah, kaman păng ntưp rêng ma săk srah ba, yor kơt nê| rnôk ho\ năl dơi nkô| ri mpôl hên le\ an do\ng du rêng njrăng n’gang rgum, in luh rlău 10 rbăn lha si [u\t n’hanh kan nsum đah Radio [oh rup n’gor [ư 5 phóng sự lôch nê pơk 20 tơ\ ta radio [oh rup nt^m nti trong njrăng n’gang dja. Nkre, mpôl hên le\ [ư pơk 18 tât 20 jrô nti an bơi 1000 rnăk [on lan. Nău du\t nkoch lah ăp ndơ tuh sa tơm tăm kơt mhe nkoch du\t dơh ntưp đah ntil kaman dja, n’hanh bu tuh le\ ntưp tâm mir yơng ntil hôm, du đêt tơm tăm n’hanh jay bil bah n’gor mô đăp mpăn, mô dơi nking nchăng ăp ndơ mpăr lăp ntưp rêng. Yor kơt nê| mpôl hên le\ n’glăp t^ng rêng na nê| nkre ndrel t^ng [ư du đề tài khoa học gưl n’gor gay t^ng [ư njrăng n’gang ntil kaman dja.

            Ơi wa, kaman dja a[aơ mô ho\ geh dak si tam săm đo\ng. Gay njrăng n’gang ntil kaman dja geh nău dơi lơn, n’gâng kan tuch tăm n’gor Lâm Đồng moh geh trong nchrăp mêh?

            Wa Nguyễn Văn Sơn: Ntil kaman dja a[aơ mô ho\ geh dak si tam săm, tâm ban kơt le\ rngôch ăp ntil kaman [ư jêng nău ji an nu^h, an ndơ mât rong êng [a [a\ mô ho\ geh dak si săm tam ma dơn geh njrăng n’gang dơi nău ntưp rêng dơm.

            Ndrel đah nê, mpôl hên kan nsum đah công ty dak si ndru\ng Syngenta n’hanh công ty Lộc Trời [ư 3 ntu\k nt^t an uănh, ăp ntu\k ntơm bah 2 tât 3ha ta 2 nkuâl Đơn Dương n’hanh Đức Trọng gay an [ư njrăng n’gang rgum. Nkre, mpôl hên [ư 2 tơ\ tâm nchră ta Đà Lạt n’hanh Đơn Dương; [ư 2 mir yơng ntil di rnoh kloh ue\h geh đăng ký ue\h jêng mpeh ntil tơm tăm, măt êng mpôl hên [ư uănh năl le\ rngôch ăp mir yơng ntil lam n’gor đah 2 ntil tơm tăm tơm lah tơm blân srat n’hanh tơm kao cúc. Lôch uănh năl ri saơ geh 10% ntil blân srat n’hanh 25% kao cúc lah geh ntưp kaman.

            Tâm let năp tay, gay nkra bah kaman dja ta ăp tơm tăm ri mpôl hên rdâk njêng tay rnoh di ue\h mir yơng ntil, ntru\t nsôr ăp mir yơng ntil mbơh di rnoh ue\h jêng, n’hanh mbra mbơh rnoh ue\h mir yơng ntil, mbơh kloh ăp ntu\k mir yơng ntil di rnoh ue\h jêng kalơ ndơ nkoch trêng nău lư.

            Ơ dăn lah ue\h wa!

Nu^h nchih rblang: Điểu Thân n’hanh Thị Đoắt