VOV4. M’nông: Tĭng trong nchrăp bah UBND n'gor Lâm Đồng tâm lvang năm 2021- 2025 mbra ntrôl dăng hun hao pah kan kơl lam rêh jêng kon nuĭh ta ăp n'gâng kan, ăp gưl, tâm di đah nău geh hun hao wăng sa- rêh jêng kon nuĭh bah n'gor tĭng rơh. Na nê̆, lvang năm 2021- 2025 geh 60%  rnoh nhih pah kan, mpôl mât bôk kan,  ntŭk pah kan kơl lam rêh jêng kon nuĭh, ntŭk ât su ma tuý, ndrung krŭng, nhih rđăp nti, ăp nhih pah kan tư pháp, nhih nti, nhih dak si, xã phường, thị trấn; dŭt đêt 30% rnoh cán bộ, công chức, viên chức, nuĭh kan n'hanh nuĭh kơl pah kan kơl lam rêh jêng kon nuĭh dôl pah kan ta ăp xã, phường, thị trấn, ăp ntŭk geh pă an ndơ rhŏ dŏng pah kan kơl lam rêh jêng kon nuĭh tât di rnoh dăp rgum dŭt đêt 50% rnoh âk ntŭk pah kan kơl lam rêh jêng kon nuĭh, ntŭk kan dak si, ntŭk kơl ntĭm nti n'hanh ntŭk kan geh tât êng ƀa ƀă dăp rgum geh pă an ndơ rhŏ dŏng pah kan kơl lam rêh jêng kon nuĭh; rnoh âk nuĭh geh nău rêh jêr jŏt dơi mbơh nti, ntop kơl pah kan kơl lam rêh jêng kon nuĭh năm 2025 hao 20% rđĭl đah năm 2020; đăp mpăn dŭt đêt 85% kon se kon đơi mô geh ntŭk nsing nde, kon se geh ntlơi lêng dơi geh nău kơl bah lam rêh jêng kon nuĭh./.

Nuĭh rblang: Điểu Thân