VOV4.Mnông- Ƀư tĭng nău nchrăp kan tăm du rmen tơm si nđir lvang năm 2021-2025 lĕ geh Thủ tướng chính phủ an dŏng, n’gor Lâm Đồng rdâk njêng nău nchrăp kan n’hanh dôl geh mbơh ƀư nău kan tăm tay 50 rkeh tơm si nđir ta ntŭk.

N’gor Lâm Đồng aƀaơ geh bơi tât 454.900 ha bri hon êng n’hanh 83,850 ha bri tăm, geh rnoh nkŭm n’hâm bâh bri 55% hŭch 7% đah 10 năm ba năp. Gay ma n’hao nău nkŭm n’hâm bâh bri, tâm di đah rgâl trôk nar mih sial n’hanh mât đăp mpăn ueh ntŭk gŭ rêh, tâm năm 2021, n’gor Lâm Đồng geh tăm tay 490 ha bri ta neh dơm n’hanh neh lôch nchrăp kan yor rŭn in mô tâm di. Ndrel đah nĕ, Lâm Đồng lĕ ntrôl dăng nău mbơh tăm tay 50 rkeh tơm si nđĭr tĭng nău kan tăm du rmen tơm si nđir lvang năm 2021-2025 lĕ geh Thủ tướng chính phủ an dŏng. Kơp tât rnôk aơ, lĕ geh 4,84 rkeh tơm si nđir ăp ntil lĕ geh ăp ntŭk kan tăm ta ăp nkuăl, nkuăl ƀon têh tâm n’gor.

Nuĭh rblang: Thị Đoắt