VOV4.Mnông- Ƀư tĭng tay bôk nău kan rơh rƀŭn nchră ndal tal 1, Quốc hội khóa 15 lĕ tâm nchră trực tuyến mpeh râng tâm nchră Nghị quyết mpeh tơm prăk, prăk kiah gay ma kơl an bôk nău kan ndâk nsơm n’hanh hun hao nău wăng sa rêh jêng. Ăp đại biểu lah na nê̆ tât nău mât đăp mpăn nău wăng sa rêh jeneg têh lah dŭt khlăy; an geh uănh khlăy tât nău lạm phát, manh rnoh nsum, roh hoach tơm prăk ngih dak. Ăp nău tâm rgop lĕ dăn đă mât uănh na nê̆ rnoh kơl an, der geh nău nde dŏng bâh ndơ kơl an. Âk đại biểu an lah, nău nchrăp Nghị quyết ndơ̆ an Quốc hội rơh aơ lah nău ntrŭnh dŭt tâm di,l yơn aơ lah nău kan dŭt jêr, ntul rlong an geh nău gĭt blău n’hanh nău nsrôih âk. Tĭng ăp đại biểu, rnoh kơl geh pă an geh knơm ta ăp nău way kan, nău mpŏng kan n’hanh nău dơi geh đă kan. Nău ntrŭnh pă an bơi tât 350 rbăn rmen prăk an âk nkô̆ nău kan êng, geh ăp nkô̆ mpŏng kan geh pă an sŏng dăng, geh ăp nkô̆ mpŏng nău kan geh mbơh na nê̆, nău kan kơl an prăk kon.

Nuĭh rblang: Thị Đoắt