VOV4.M'nông: Bộ Nông nghiệp n'hanh Phát triển nông thôn mhe n'gluh an nchih săk ƀư si ƀŭt tâm trong kan tuch tăm n'hanh hun hao ƀon lan. Tĭng nê, săk nchih ƀư si ƀŭt mpeh n'glĕ nău dơi mât uănh bah Bộ Nông nghiệp n'hanh Phát triển nông thôn lah 363 ntil si ƀŭt. Na nê̆, si ƀŭt ƀư gưl Trung ương geh 226 si ƀŭt; gưl n'gor geh 106 si ƀŭt; gưl nkuâl geh 16 ntil si ƀŭt; gưl xã geh 1 n'hanh nhih pah kan êng ƀa ƀă geh 4 ntil si ƀŭt. Ăp ntil si ƀŭt dơi tĭng ƀư ta Cổng thông tin du mpông gưl neh dak kơt: Kơp uănh ngih dak mpeh uĕh jêng phân poh rvăt n'glăp; si ƀŭt pă an rvăt n'glăp phân poh; si ƀŭt kơn dơn uănh năl nuh srê ndơ tuch tăm rvăt n'glăp, ôp uănh ngih dak mpeh đăp mpăn kloh uĕh ndơ ngêt sa geh tơm luh bah ndơ tuch tăm rvăt n'glăp; đăng ký uănh năl kơp dơn săk kah uĕh ndơ sa mât rong rvăt n'glăp...Tĭng Bộ Nông nghiệp n'hanh Phát triển nông thôn, let năp tay mbra ôp uănh lhăt nău an dŏng quy định mpeh si ƀŭt mât kan n'glĕ nău dơi mât uănh ngih dak bah Bộ. Nkre, mbơh gĭt ngăch si ƀŭt mât kan n'glĕ nău dơi mât uănh bah Bộ nsing kalơ ntŭk rgum prăp nău lư gưl neh dak mpeh si ƀŭt si tra mât bôk kan./.

Nuĭh rblang: Điểu Thân