VOV4. M’nông: Ôi 1/4, Vụ Tâm ban bu ur bu klô, Bộ Lao động-Thương binh n'hanh Xã hội n'hanh Nhih pah kan Liên Hợp Quốc n'hanh Tâm ban bu ur bu klô (UN Women) Mbơh săk nhih pah kan, mpôl kan ntop kơl bu ur n'hanh kon se geh bu lơh n'hanh tom mpet lam dak. Dơi ƀư n'hanh lôch jêh tâm 6 khay, Mbơh săk nhih pah kan, mpôl kan ntop kơl bu ur n'hanh kon se geh bu lơh n'hanh tom mpet ta 63 n'gor n'hanh nkual ƀon têh lĕ ma gưl trung ương. Ăp nău rhŏ dŏng ntop kơl bah ăp nhih pah kan, mpôl kan tâm ndrôm si ƀŭt nchih săk dơi rgum nsing tâm bôk nău kan ntop kơl nsum lam ntŭr neh n'hanh rnoh ndơ rhŏ dŏng khlay kơl an nuĭh geh bu lơh tă bah Liên  Hợp Quốc n'hanh Bộ Lao động- Thương binh n'hanh Xã hội ƀư. Tĭng ôp uănh neh dak mpeh tâm lah tâm janh đah bu ur ta Việt Nam năm 2019, djăt ma 3 nuĭh bu ur ri geh 2 hê bu ur tă geh dŭt đêt du tơ̆ lơh tât săk jăn, tom mpet, nuih n'hâm, wăng sa, mô lah grêt lhăt tă bah i sai/ ndrôi lơh. Yơn lah, lĕ rngôch bu ur (90,4%) geh lơh mô joi saơ  nău kơl bah nhih pah kan pă an ndơ kơl ngih dak./.

Nuĭh rblang: Điểu Thân