VOV4.Mnông- Ôi nar 1/12, ta ăp n’gor miền Trung bah mih, dak buk ta ăp dak me dôl soăt. Mih dak bŭk lĕ ƀư dak buk âk ntŭk, geh 9 nuĭh khĭt. N’gâng kan ta ăp ntŭk rgum lĕ mpôl kan kơl an ƀon lan ngăch ndăn nkra mhe, mbluh trong hăn. Ta nkuăl gôl yôk Nam Trà My, n’gor Quảng Nam, mih têh nkre jŏ âk nar ba năp lĕ ntoh geh âk ntŭk pich rlâm têh jê̆t. Mpôl kan ta ntŭk ndrel đah nuĭh ƀon lan rgum nkra mhe gay ma nuĭh n’hanh ndeh klư hăn nsong dơh nơih. Mih dak buk ta n’gor Bình Định ƀư geh 3 nuĭh khĭt, 2 hê nuĭh rmanh n’hanh rlău 31 rbăn ngih jay geh dak băm, 1.250 mblâm  sŭr djăr geh dak rdu. Aƀaơ, n’gâng kan mât uănh ntung trong n’gor aơ dôl rgum lĕ ăp ntŭk kan mât nkra, ƀư ueh trong hăn gay ma nkra ăp ntŭk trong khuch. Mih têh ta n’gor Phú Yên lĕ ƀư geh 6 nuĭh khĭt. Mih têh nkre đah ăp dak bât pă điện m’ơk dak ƀư an rlău 28 rbăn rnăk ƀon lan ta ăp nkuăl Tuy An, Phú Hòa, Đồng Xuân n’hanh nkuăl ƀon têh Tuy Hòa geh dak băm âk.

Nuĭh rblang: Thị Đoắt