VOV4.M’nông –  Nthoi tay bôk nău kan rơh rƀŭn ndal, ôi (6/1), tâm nchră ta rmôt, Mpôl ntoh măt Quốc hội n’gor Dak Lak lĕ rgum tâm nchră mpeh Luật nkra rgâl, ntop tay du đêt điều bah Luật Đầu tư ngih dak, Luật Đầu tư tĭng trong tâm rgop kan ndrel, Luật Đầu tư, Luật Đấu thầu, Luật Điện lực, Luật Doanh nghiệp, Luật Soay tăch ndơ, Luật Thi hành án dân sự tĭng bôk nău kan ta rơh rƀŭn lĕ n’gluh an.

Mpôl ntoh măt Quốc hội Dak Lak rgop nău nkra rgâl, ntop tay ăp Luật

Ăp nuĭh ntoh măt biểu Quốc hội ta n’gor Dak Lak tâm ban ŭch âk nău rgâl, ntop tay du đêt điều bah 8 luật mbra rgâl ƀư tŏng ăp nău ntrŭnh, trong hăn bah Đảng n’hanh ơm rdâk nkra ăp jêr jŏt, wăk kol mhe ntoh tâm nău ngăn. Rgop nău mpeh Luật Ntuh kơl ngih dak, wa Y Vinh Tơr, Kruanh mpôl ntoh măt Quốc hội n’gor Dak Lak tâm ban ŭch đah 3 nkô̆ nău an nkra rgâl, yơn lah pơng dăn đă an uănh mĭn lơn tay tât nău pă gưl, pă nău dơi n’hanh nău kan đah ăp nău nchrăp ƀư geh tơm prăk ODA.

Nŭih blang: Y Sưng Phê Ja