VOV4.M’nông: N’gâng kan văn hoá thể thao ndrel pâl n’aih mbơh, năm 2022, ntŭk kan pâl n’aih ntrŭnh ăp nau kan ƀư nau văng sa, ăp nhoat ndâk tay nau kan pâl n’aih nkre tŏng dơi nau rdâng đah nau khuch bah srê Covid-19. Tĭng nê, N’gâng kan Văn hoá-Thể thao ndrel pâl n’aih uănh năl 5 rmôt nau kan, nau ƀư gay ăp nhoat pơk nau kan ƀư pâl n’aih plơ̆ tĭng nau ƀư kan nâm ơm mhe, tâm nê ê lor ân geh đăp mpăn nau njrăng rdâng srê Covid-19, kơl an ăp rmôt kan ntrŭt dăng nau ndâk njêng ndrel kơl an hun hao tu tơm tŏng dơi nau ŭch ndâk njêng nau kan pâl n’aih. Lŏ têk jong nau ƀư nau kan n’huch, mô sŏk, nchrăp tay ân nau sŏk soay, nau dŏng, kơl an n’huch prăk kon manh ngân hàng ân ăp ntŭk kan ƀư nau kan ntuh kơl pah kan hun hao pâl n’aih, kơl an rmôt ƀư nau kan pâl n’aih ndâk nau kan...Mpeh nau đăp mpăn ntŭk tât ndrel đăp mpăn ân năch pâl n’aih, tĭng Groi Thủ tướng Vũ Đức Đam ân geh ƀư ueh nau njrăng rdâng srê ji tâm rơh ơm ngăn gay ma pơk mpông ân nâp./.

Nŭih rblang: H’Thi