VOV4.M’nông: Ta rơh rƀŭn trực tuyến lam dak lôch nar rƀŭn N’gâng kan njrăng rdâng trôk nar lơn-Ntŭk kan Rnâng kan rđau nau kan neh dak mpeh nau njrăng rdâng trôk nar lơh 2021 ndrel ntrŭnh nau kan năm 2022 geh tâm kêng măng 30/12 ta Hà Nội, ăp ntoh măt tâm ban nau kơp dơn, ân geh rklaih ân rjăp ndrel săk tam lơn bah năp nau tât bah trôk nar lơh. Năm 2021, nau trôk nar lơh tâm lam ntur neh hôm tât ndal, lơh khuch khat ngăn mpeh kon nŭih ndrel drăp ndơ. Tâm dak nơm hŏ geh 841 tơ̆ mih sial, đah 18 ntil tâm rnoh 22 ntil geh nau khuch bah trôk nar. Nau khuch nê hŏ ƀư 108 nŭih khĭt, mô saơ joi, nchrăp rnoh khuch rlau 5 rbăn 200 rmen. Ndrel uănh ăp nau ê dơi, nau kol kŏ kơt lah nau đă bah ăp nau kan njrăng rdâng srê tâm năm 2022 geh săk tam ngăn, ăp ntoh măt ân lah, srê Covid-19 lŏ geh tât jêr, ăp nau kan têh kơt: Phŭt sial dăng, dak lip, dak rluh, rluh neh, prăng bri, n’gơ neh...rlet rlau nau tă geh tâm năm 2021 lŏ lah nau khuch ngăn tât dak nơm, nau kan njrăng rdâng trôk nar lơh ndơ̆ luh lơn ma jâk, ri ma ân geh n’hao nau tam bah ntrong kan njrăng rdâng trôk nar lơh tă bah nkuăl. Tĭng nê, n’hao nau ntĭm mbơh nau blau kan ân cán bộ ƀư nau njrăng rdâng trôk nar lơh, ngăn lah nŭih ƀư nau kan tâm dâng./.

Nŭih rblang: H’Thi