VOV4.M'Nông: Rơh hop nkah ndray 43 năm nar lơh dơi ta n'har bri Tây Nam n'hanh ndrel tahen ƀon lan Campuchia lơh dơi mpôl nkhĭt hêng nuĭh ta Campuchia (7/1) hŏ ƀư nar ntri (7/1) tâm rnôk răm mƀak nău tâm rnglăp, đah nău geh tât râng bah ăp cán bộ, tahen râng êng Việt Nam kơl dak băl Campuchia, ăp sinh viên Campuchia dôl kơt nti ta nkual ƀon têh. Nar nkah ndray tă bah Liên hiệp ăp mpôl kan tâm rnglăp nkual ƀon têh Hồ Chí Minh ƀư. Lah ta rơh mâp măt, Tổng lãnh sự Vương quốc Campuchia ta nkual ƀon têh Hồ Chí Minh Sok Dareth lah rjăp: Đảng, Ngih dak, ƀon lan n'hanh tahen râng kơl êng Việt Nam hŏ kơl n'hanh an lĕ ăp ntil tĭng ƀư nău kan dak bah dih, kơl ƀon lan Campuchia rlău dơi rơh nkhĭt hêng nuĭh tâm nar 7/1/1979 n'hanh gŭ ntoh tay ta Campuchia gay kơl nking nchăng nău plơ̆ tay bah mpôl nkhĭt hêng nuĭh, tâm ban kơt nău ntop kơl ăp ntil tâm nău plơ̆ njêng tay n'hanh rdâk njêng Campuchia. Nuĭh ƀon lan Campuchia mbro mbrăng nkah gĭt n'hâm suan têh khlay dja, n'hanh way nchih nkah lah nar 7/1 lah "nar dâk rêh tay tâl bar". Aơ lah nău geh ngăn kăl e ma mô dơi geh nuĭh nchoh nklă, ntôn dơm mô lah chuêl lĕ./.  

Nuĭh rblang: Điểu Thân