VOV4.M'nông: Nar aơ, 15/12 ntơm pơk rgum nchră ntrŭt ntrôl ngăch tăch n'gluh Việt Nam 2021 đah nkô̆: “ntrŭt ntrôl ngăch tăch n'gluh rgop rdâk tay n'hanh hun hao wăng sa". Rgum nchră ƀư lĕ 2 rơh tơm, đah ăp nkô̆: Trong dơh soih n'hanh ntul rlong bah du đêt ntŭk tăch n'gluh bah kơi rơh Covid-19; trong rƀŏng, trong nkra ntrŭt ntrôl ngăch tăch n'gluh rgop rdâk tay n'hanh hun hao wăng sa. Bộ trưởng Bộ Công Thương Nguyễn Hồng Diên ƀư tơm rơh tâm nchră. Rgum nchră ntrŭt ntrôl ngăch tăch n'gluh Việt Nam lah nău kan ăp năm tă bah Bộ Công Thương ƀư tơm, kan nsum đah ăp n'gâng kan geh tât ƀư gay tâm ôp tâm rgâl đah nhih pah kan tâm pă kan nsum ntrŭt ntrôl ngăch tăch n'gluh n'hanh ăp tơm mpôl râng nău kan tăch n'gluh; trong tâm dâl trong kơl, nta trong dơh an nău kan tăch n'gluh; năl di ăp trong dơh soih, mpŏng hao an ndơ tăch n'gluh bah Việt Nam, rgop n'hao nău dơi tâm rlong an ndơ geh ƀư tăch n'gluh n'hanh nău dơi nchrăp lor bah doanh nghiệp tâm nău kan tăch n'gluh./.

Nuĭh rblang: Điểu Thân