VOV4.M’nông: Nar aơ, Quốc hội lŏ tâm nchră mpeh nau kan trực tuyến mpeh nau nchrăp ntrŭnh mpeh nau kan tơm prăk gay ma kơl an Bôk nau kan ndâk ndrel hun hao văng sa, rêh jêng ndrel tâm nchră trực tuyến mpeh nau ntrŭnh rlong ƀư du đê̆ nau kan, nau kơl an ân hun hao nkuăl ƀon têh Cần Thơ. Kêng măng 6/1, Quốc hội tâm nchră ta rmôt mpeh nau ntrŭnh ntuh kơl bôk nau kan nkra trong cao tốc Bắc-Nam mpeh ba dâng lvang năm 2021-2025. Nkô̆ nau geh ăp ntoh măt uănh khlay lah nau tam bah nau rgum dŏng tơm prăk ndrel nau ƀư nau kan. Bôk nau kan ndâk njêng trong hăn Bắc-Nam mpeh ba dâng lvang năm 2021-2025 ntuh kơl 729 km, pă jêng 12 nau kan. Mpeh nau ntuh kơl, tĭng nau đă bah Chính phủ, nklăp 146 rbăn 990 rmen. Tâm rnôk geh âk nau jêr ndrel tơm prăk mô âk, ăp ntoh măt Quốc hội đă ân geh săch moh nau khlay ndal ri ƀư lor, kơp uănh ân tam, săch nau kan ntuh kơl...Rgop nau mpeh nau nchrăp nau ntrŭnh rlong ƀư du đê̆ nau kan gay hun hao nkuăl ƀon têh Cần Thơ, ăp ntoh măt ân lah mra njêng nau rgum ntuh kơl, n’hao nau rêh ƀon lan, ndâk nkuăl ƀon têh Cẩn Thơ jêng ntŭk gay hun hao nkuăl Đồng Bằng sông Cửu Long, rgop nau ueh ân nau hun hao nsum bah neh dak tâm rơh tât./.

Nŭih rblang: H’Thi