VOV4.M’nông: Tâm lvang 5 năm (2013-2019), Việt Nam ho\ geh âk nău nsrôih tâm trong t^ng [ư nău tâm ton dak bah dih mpeh ntlơi jăng bah ngăn nău tâm mưch rmot rnoi nu^h (Công ước CERD), tâm nê ho\ an [ư âk trong nkra đăp mpăn, ntru\t ntrôl nău dơi tâm ban bah nu^h rnoi mpôl đê| ta le\ rngôch ăp ntil bah nău rêh jêng kon nu^h. Nău dơi ta trong kan dja ho\ an saơ nău m^n, trong nchrăp mô rgâl, rloh rlău bah Đảng, Ngih dak he n’hanh nsrôih, ndôr bah ăp gưl, ăp n’gâng kan, lơn lah Uỷ ban Dân tộc.

Gay g^t kloh ăp nău dơi lôch 5 năm an [ư Công ước CERD, phóng viên Radio nău ngơi Việt Nam geh rơh tâm ôp đah wa Hà Việt Quân, Vụ trưởng Vụ Tâm boh dak bah dih, Ủy ban Dân tộc.

- Hơi wa Hà Việt Quân, lah ue\h may ho\ râng rơh tâm ôp bah mpôl hên! Hơi wa? May mbra geh uănh năl nău dơi lôch 5 năm t^ng [ư nău tâm ton dak bah dih mpeh ntlơi jăng ngăn ăp nău tâm mưch rmot rnoi nu^h ta Việt Nam lvang năm 2013- 2019?

Wa Hà Việt Quân: Khay 8 mhe aơ, Thủ tướng ho\ uănh an do\ng si [u\t mbơh nô nău t^ng [ư tâm ton dak bah dih. Lah nkoch tât nkah têl ue\h tâm 5 năm aơ, uănh dơn geh ăp nău dơi mpeh t^ng [ư nău tâm ton dja ta rnoh mpeh an t^ng [ư. Ăp nkô| bah nău tâm ton ho\ jêng ngăn ngăn ma nău an t^ng [ư trong kơl. Tâl bar lah n’hao dăng tâm g^t wât nsum, uănh khlay n’hanh tâm pă nău mha êng mpeh rnoi nu^h tâm ban kơt lah văn hoá, t^ng [ư geh nău tam tâm ăp nău kan lễ hội bah ăp rnoi mpôl đê| êng êng, ndop tâm ăp nău kan tâm pă, ryơk rnê, mât ndray ăp rnoh khlay văn hoá rnoi nu^h bah ăp rmôt rnoi mpôl đê| tâm ăp nău kan ngăn ngăn bah n’gor.

- Du\t mhe aơ, tâm Đề án hun hao rgum lam le\ rngôch wa\ng sa rêh jêng kon nu^h ta nkual rnoi mpôl đê| n’hanh mpeh yôk yang lvang năm 2021- 2030 ho\ geh êng du trong nchrăp mpeh mbơh g^t jru hvi, mât ndray ăp rnoh khlay văn hoá bah [on lan rnoi mpôl đê|. May mbra dơi nkoch kloh lơn mpeh nkô| nău dja đo\ng?

Wa Hà Việt Quân: Tâm Đề án hun hao rgum lam le\ rngôch mpeh wa\ng sa rêh jêng kon nu^h nkual rnoi mpôl đê| n’hanh mpeh yôk yang lvang năm 2021- 2030 an êng du trong nchrăp kan gay rgum nkoch trêng mbơh g^t jru hvi tâm ban kơt mât ndray, mpư n’hao tay ăp rnoh khlay văn hoá săk ntơr êng bah [on lan rnoi mpôl đê| nkre đah hun hao pâl nđaih, tâm ban kơt lah rjăp nău dơi bah [on lan rnoi mpôl đê| tâm trong r[o\ng hun hao nsum đo\ng.

Ta rnoh tâl 3 nău dơi, lah jêh geh t^ng [ư trong kơl nu^h rnoi mpôl đê| bah Việt Nam ta le\ rngôch ăp trong kan wa\ng sa, văn hoá, rêh jêng kon nu^h, lơn lah an [ư nkô| rdâk njêng nău rêh văn hoá ta nkual [on lan rnoi mpôl đê|, kơt: pă an ndơ rho\ do\ng kan dak si, nt^m nti, uănh khlay nău mha êng bah ăp rmôt nu^h rnoi mpôl đê| êng êng, mô lah nău t^ng [ư pháp luật.

5 năm aơ, mpôl hên ho\ an [ư ndrel bar ntil du tơ\. Ngoăy lah nkoch trêng n’hanh mbơh g^t jru hvi. Hôm du gâl, ntru\t ntrôl ăp nău kan lăp tâm ngăn ngăn ju\t jăng ăp nău tâm mưch rmot, tâm nkhah êng bah lam nu^h đah ăp rmôt rnoi mpôl đê| tâm ban kơt đah ndrăng nu^h rnoi mpôl đê| nơm đo\ng gay đăp mpăn tâm di đah nău way tâm ban kơt ăp nkô| ma nău tâm ton dak bah dih mpeh njrăng n’gang tâm mưch rmot rnoi nu^h ma Việt Nam ho\ râng.

-Ơi kônh wa n’hanh băl mpôl! Mhe aơ nơh lah rơh tâm ôp đah phóng viên Radio nău ngơi Việt Nam đah wa Hà Việt Quân, Vụ trưởng Vụ Tâm boh dak bah dih uănh năl jêh geh 5 năm t^ng [ư tâm ton dak bah dih mpeh ntlơi jăng ăp nău tâm mưch rmot rnoi nu^h ta Việt Nam lvang năm 2013-2019.

Ndr^, he mbra dơi năl lah: đah nău mât uănh bah Chính phủ, tâm nê ân nkoch tât nău khlay [ư tơm bah Uỷ ban Dân tộc, ndrel nău nsum ti bah ăp gưl, ăp n’gâng kan, ăp n’gor, nău tâm ton dak bah dih ntlơi jăng ăp ntil nău tâm mưch rmot rnoi nu^h ho\ dơi an [ư jru hvi tât le\ rngôch ăp ntil: ăp to\ng lam trong kan pháp luật, lơn lah ăp quy định mpeh đăp mpăn nău dơi kon nu^h, ăp trong kơl na nê| mpeh hun hao wăng sa – rêh jêng kon nu^h n’hanh an [ư jêng ngăn ngăn…gay đăp mpăn nar lơn ma ue\h ăp nău dơi kon nu^h an [on lan nu^h rnoi mpôl đê|./.

-Dăn lah ue\h wa.

Nu^h rblang: Điểu Thân