VOV4.Mnông- HĐND n’gor Lâm Đồng khóa 10 lĕ ntơm rơh rƀŭn nchră tal 4 gay ma uănh năl nău geh ƀư tĭng hun hao wăng sa rêh jêng n’hanh uănh n’hêl, mbơh du đê̆ săm ƀŭt, nghị quyết khlay. Tĭng nău mbơh ta rơh rƀŭn nchră, bol ma khuch tât bâh nuh srê Covid-19, yơn Lâm Đồng hôm nha geh mât nău ngăch hun hao wăng sa rlău 3,1%. Tâm nĕ, êng ta trong kan tuch tăm hao 4% n’hanh công nghiệp rdâk njêng hao 5,5%. Dŭt nkah ngăn lah tơm prăk ngih dak geh 10,620 rmen prăk, hao 12,7% đah khay aơ năm e.

Yơn lah, Lâm Đồng hôm nha geh 8/18 nău mpŏng wăng sa- rêh jêng ê hŏ geh nău nchrăp. Nău pah kan tăch rgâl bâh doanh nghiệp geh mâp âk jêr jŏt, nău pâl nđaih rlu kan, nău geh hŭch âk, muih kăl bri, rŭn in neh bri geh âk, hôm nha geh nău pă neh, pă lô gay ma tăch neh tuch tăm mô tâm di geh âk ta ăp ntŭk....Rơh rƀŭn nchră aơ, n’gor mbra rgum, tâm nchră mbơh rblang n’hanh ƀư kloh ăp nău, bâh nĕ geh ntrong kan gay ma rgâl nkra n’hanh ndâk nsơm, ntrôl dăng hun hao wăng sa rêh jêng n’hanh ƀư lôch ăp nău mpŏng kan, nău kan tơm khlăy tâm let năp tay.

Nuĭh rblang: Thị Đoắt