Tâm ăp năm ba năp, rnoh cán bộ, đảng viên bu ur ta Đăk Lăk lah thạc sĩ, tiến sĩ, tŏng nău dơi geh pă, mât dơn ăp nău kan têh leo kan tâm ăp ntŭk kan Đảng, Ngih dak ăp gâl lơ ma âk. Âk nuĭh ntph lư mpeh bu ur đảng viên lah ăp nuĭh tơm ntŭk kan, doanh nghiệp tăch rgâl pah kan jan sa blău ndrel đah hun hao wăng sa đah mât rbăy, mât ăp rnoh khlăy mpeh văn hóa way ơm ueh bâh mpôl rnoi. Ta bôk nău kan, đại biểu ndrel nkah tay ăp nău khlay ơm ntoh lư 95 năm njêng Đảng Cộng sản Việt Nam n’hanh ăp nău tâm rgop bâh ăp rơh nuĭh, ăp nuĭh bu ur ăp mpôl rnoi ta n’gor Đăk Lăk. Du đê̆  bu ur đảng viên ntoh lư ta ăp trong kan ndrel tâm nđur, tâm nkoch mpeh n’hao nău kan hăn lor, hăn bôk năp bâh bu ur đảng viên tâm nău ƀư tĭng n’hanh rgŏ jă bu ur, ƀon lan ƀư tĭng nău ntrŭnh, trong kan bâh Đảng, pháp luật bâh Ngih dak. Nău tă blău kan tâm nău kan geh saơ, ntĭm nti, nta rnoh nuĭh kan, mbơh tơih mpôl kan bu ur ntoh lư an Đảng, tâm rgop n’hao nău kan bu ur ta trong rdâk njêng Đảng, n’gâng kan, ntop n’hao nău kan bâh nuĭh Đảng viện tâm nău nti, ƀư tĭng nău ueh bâh Hồ Chí Minh. Di rơh aơ, Rnâng kan leo kan lĕ pă ndơ n’hanh kao si, rnê 50 bu ur đảng viên ntoh lư, geh âk nău tâm rgop ta ăp trong kan ta Đăk Lăk.