Tâm khay ƀư nau kan kơl an yor kon se năm aơ, ăp n’gâng kan, ntŭk kan, nkual hŏ rgum geh rlau 100 rmen prăk kơl an du rkeh kon se tâm lam dak, êng tơm prăk kơl an kon se Việt Nam hŏ kơl an rlau 17.800 kon se geh nau rêh jêr jŏt, đah rnoh prăk rlau 20 rmen. Aơ lah nau mbơh geh N’gâng kan Lao động-Thương binh ndrel Xã hội mbơh tâm rơh rƀŭn lôch khay kơl an kon se năm 2023.

Nau kan geh ƀư tâm ôi 10/7, ta ntŭk kan ndâk tay săk soan ân kon se rven rvo Thuỵ An, xã Thuỵ An, nkuăl Ba Vì, Hà Nội. Khay hăn kơl an kon se năm aơ rgŏ jă đah nkô̆ ‘Nsum ty n’huch nau khuch ân kon se”. Tâm nar rgum, Kruanh n’gâng kan Lao động, Thương binh ndrel Xã hội Nguyễn Thị Hà hŏ pă 100 nklâm ndơ ndrel hăn khâl ntŭk ndâk tay săk soan, ntŭk nti nau kan, ntŭk sa, ntŭk gŭ bah kon se ndâk tay săk soan ân nŭih rven rvo Thuỵ An, xã Thuỵ An, nkuăl Ba Vì, Hà Nội./.