Ôi 15/1, ta nkual ƀon têh Hồ Chí Minh ƀư hop báo bôk nău kan  “Năm mhe ƀon tơm” năm 2024, đah nău ƀư tơm bah Thứ trưởng Bộ Ngoại giao Lê Thị Thu Hằng n’hanh Groi kruanh UBND nkual ƀon têh Hồ Chí Minh Võ Văn Hoan. Năm 2024, Ủy ban Ngih dak mpeh nuĭh Việt Nam gŭ dak bah dih kan nsum đah UBND nkual ƀon têh Hồ Chí Minh ƀư bôk nău kan “Năm mhe ƀon tơm” đah nău tât râng bah nklăp 3.000 năch jă.

Bôk nău kan ƀư ntơm bah 01/02 tât  02/02/2024 (jêng nar 22 n’hanh 23 khay jât ma bar năm Quý Mão) đah dŭt âk mpưm nkô̆. Tâm bôk nău kan “Năm mhe ƀon tơm” 2024, Kruanh dak Võ Văn Thưởng n’hanh I ur ƀư tơm du đêt nău kan geh nkô̆ khlay ndrel đah kônh wa gŭ bah dih lam dak. Lơn lah, UBND nkual ƀon têh Hồ Chí Minh ƀư tơm mâp măt nklăp 1.000 ƀon lan gŭ dak bah dih “Rhơn năm mhe Giáp Thìn 2024”, ôp khâl mbah rhơn Tết kônh wa, rhơn năm mhe njôm wăr n’hanh Tết đoàn viên; lôch nê nkoch mbơh tât kônh wa gŭ dak bah dih ăp nău dơi hun hao bah nkual ƀon têh Hồ Chí Minh rlău 35 năm rgâl mhe n’hanh hun hao./.