Nău mbơh geh ndơ̆ mbơh ta rơh rƀŭn nchră kêng măng lơ 1/6. Bôk nău kan ntoh ang Việt Nam 2023 đah bôk nău: “Nău nsrôih Việt Nam” geh tâm ăp nău pah kan vơt rhơn đại hội công đoàn ăp gâl n’hanh Đại hội 13 Công đoàn Việt Nam, kahgĭt 75 năm nar Kruanh Hồ Chí Minh geh nău kuăl jă tâm rlong rŏng dak 11/6/1948-11/6/2023.

16 ntŭk kan, nuĭh kan ntoh lư an geh nău min, nău ŭch hun hao, jêng nău ntoh ang trĕ lam nău ŭch rŏng nsrôih tâm nău rêh jêng đah nău ŭch hun hao, rdâk njêng nău rêh hơm răm, đăp mpăn lơn, lah na nê̆ nău mĭn n’hanh nău nsrôih bâh kon nuĭh Việt Nam, mpôl rnoi Việt Nam. Bôk nău kan geh nău ntĭm leo bâh Tổng liên đoàn Lao động Việt Nam, nău tâm rgop bâh rnâng kan tâm rlong-nkhôm rnê Trung ương n’hanh ăp n’gâng kan, ntŭk kan trung ương, yor báo Lao động leo ƀư.