VOV4.M’nông: Măng 3/10, Ngih mprơ Radio Việt Nam, 58 Quán Sứ, Hà Nội, Hội Xuất bản neh dak tâm rgop nsum đah Bộ Thông tin ndrel Truyền thông ndrel Radio Việt Nam ƀư nau pă nkhôm nsrôm săm ƀŭt neh dak tal 5. Nau nkhôm săm ƀŭt neh dak tal 5 geh 48/57 ngih xuất bản râng. Hội đồng nkhôm săm ƀŭt neh dak tal 5 tâm ban nau pă nkhôm ân 26 ndrôm săm ƀŭt, blah săm ƀŭt, tâm nê geh du giải A, 9 giải B ndrel 16 giải C đah ăp nau nchih bah 5 trong: Chính trị, văng sa, Khoa học tự ngiên ndrel công nghệ; Khoa học xã hội ndrel nhân văn; Văn hoá, văn học ndrel nghệ thuật; Thiếu nhi. Nau nkhôm ndrôm săm ƀŭt neh dak lah nau nkhôm gưl Ngih dak geh ƀư ăp năm, pă nkhôm ăp ndrôm săm ƀŭt, blah săm ƀŭt geh rnoh khlay mpeh nau nkô̆ nau mĭn, nau gĭt, nau ueh, geh nau kơl an âk tât âk nŭih mô lah rgop jru mpeh nau blau nau kan, geh âk nŭih ŭch răk, geh nŭih nchră uănh rnê prêh tâm ăp nau kan./.

VOV/Nŭih rblang: H’Thi