Hội báo xuân Ất Tỵ n’gor Kon Tum năm 2025 pla n’hơ rlău 100 ấn phẩm năm mhe bâh ăp ntŭk kan báo chí tâm n’hanh bah dih n’gor. ăp ấn phẩm nsĭt tât ăp nău ueh ntơr mpeh nău rgâl mhe, hun hao bâh neh dak n’hanh nău ŭch rŏng mpeh nău kan rgâl mhe rnoh mbrô bâh báo chí. Ndrel đah nău ueh âk mpeh nkô̆ nău tâm ăp ấn phẩm, nău nchih nău ƀư rup n’hanh ntŭk pla n’hơ, răk báo geh ƀư ueh mpơl nău rhơn năm mhe, jă nuĭh răk ta n’gor Kon Tum di rơh Tết aơ. Nuĭh nchih báo nchih văn Lê Văn Thiềng, Câu lạc bộ nuĭh nchih báo âk năm deh, Hội nhà báo n’gor Kon Tum an gĭt, “ăp tác phẩm báo chí lĕ di đah nău mpŏng, di trong hăn n’hanh nkre lah mbơh tât âk nău mhe, nău mbơh leo ntĭm đă bâh nuĭh leo kan Đảng, Ngih dak ngăn lah bâh Tổng Bí thư Tô Lâm. Lĕ rngôch lĕ tâm ban đah trong kan, nău kơl bâh Đảng. Trong ƀư dŭt ueh, nău ueh êng mpeh văn hóa ndrel đah rơh rgâl mhe rnoh mbrô”. Ta rơh ntơm pơk Hội báo xuân Ất Tỵ năm 2025, Hội nhà báo n’gor Kon Tum pă an Bộ chỉ huy Bộ đội Biên phòng ăp ấn phẩm báo xuân gay ma njoăl an tât tahen ta n’har bri.