Kruanh Quốc hội uănh năl, ăp năm ba năp, Đại học Cần Thơ lĕ uănh khlăy tât nău dơi ueh ntĭm nti bâh ăp nai nti, geh rnoh giáo sư dâk âk bôk năp ta ăp ngih nti đại học. Nkre nkah mbơh, Đại học Cần Thơ mô dơn hun hao mpôl cán bộ, giảng viên an nơm ma an geh hun hao mpôl kan an ăp ngih nti đại học êng êng tâm nkual, nău pah kan nkre lah mât uănh ntĭm nti rnoh nuĭh kan gay ma hun hao an nkual, yơn an geh kơp lĕ tât nău ntĭm nti kơl an nău kan rgâl mhe ntĭm nti, ƀư lôch ăp nău pah kan, nău ntrŭnh ta ntŭk, mât uănh tât rdâk njêng nău way kan gay ma ăp nuĭh kan khoa học mpơl nău ngơi way kan, njêng nău nđơr an ăp nuĭh kan khoa học. Đại học Cần Thơ an geh ntĭm nti ăp nău ngơi êng kơt Khơ me, Lào an cán bộ, công chức ta Đồng bằng sông Cửu Long, n’hao tay lơn nău kan khoa học kĩ thuật dŏng tâm tuch tăm gay ma ntrôl dăng nău pah kan, tăch an dak bah dih.