Tâm rnôk tâm nchră tâm boh nau kan Pháp ngữ mpeh nau tuch tăm nâp nâl, đăp mpăn ndơ sa ndrel rdâng đah rgâl mhe trôk nar ndrel rơh rƀŭn Rnâng kan rđau kan Liên minh Nghị viện Pháp ngữ (APF), kêng măng 22/1, ta nkuăl ƀon têh Cần Thơ, Kruanh Quốc hội Trần Thanh Mẫn vơt Kruanh bôk năp Thượng viện Campuchia Ouch Borith. Kruanh Quốc hội Trần Thanh Mẫn lah rjăp, Việt Nam mro uănh khlay, kơl an bôk năp ân nau mô rlu ƀư nâp ndrel hun hao tâm boh vay ơm ueh, tâm boh ơm, ăp ntil, nâp nâl, jŏ jong đah bar dak, mro kơl an prêh ngăn đah Đảng ƀon lan Campuchia (CPP) ndrel neh dak Campuchia;

Kơl an du dak Campuchia đăp mpăn, nâp nâl, hun hao nâp ndrel ƀư ueh nau kan, nau dơi bah lam ntur neh. Bar rđau kan rhơn ndơn saơ nau tâm boh bar dak tâm rơh rlau aơ lŏ geh ƀư nâp, n’hao lơ. Bar dak mât ƀa ƀơ tâm nchră rmôt kan gưl prêh ndrel ăp gưl. Nkre n’hao lơn nau tâm boh kan nsum 2 dak ndrel Lào tâm rơh tât, gay pe dak Đông Dương ndrel hun hao nâp nâl, đăp mpăn, rgop nsum ân nau đăp mpăn, nâp nâl./.