Kêng măng 22/1, ta Hà Nội, Tổng Bí thư Tô Lâm, Bí thư Quân uỷ Trung ương tât khâl, pah kan ta N’gâng kan rđau tahen Biên phòng. Tâm nar pah kan, ntơm ntŭk ƀoh ngơi Hà Nội, Tổng Bí thư Tô Lâm hŏ ôp khâl, nkoch bri dăch dơh đah cán bộ tahen Biên phòng, ntoh măt cán bộ, nŭih kan ndrel rmôt tahen tâm ăp ntŭk ƀoh tahen Biên phòng tâm du đê̆ nkuăl. Lah rjăp, năm 2025, du năm mpŏng ăp nau kan khlay, ndal ma nơm ân jêh gay njêng nau tơm ân rnôk ntơm mpar ngai bah rnoi mpôl, ndri ma rmôt tahen Biên phòng ân “nchuăt ngăch ndal” gay dơi geh ăp nkô̆ nau, nau nchrăp bah năm kan 2025.

Di rnôk năm mhe, Tổng Bí thư đă, ntrŭnh, ƀư rjăp nau rđau bah Ban Bí thư, bah Thủ tướng Chính phủ ndrel ăp nau rđau, nau nchră bah n’gâng kan neh dak, ƀư mêt uănh, nkân ân rjăp nkuăl n’har bri, nau nchrăp bah n’gâng kan neh dak; ƀư nau kan mêt uănh, nkân njrăng nkuăl n’har bri, mpông trong, mât đăp mpăn chính trị, đăp mpăn nau rêh jêng nkuăl n’har bri, mpông trong tâm rnôk tết; mât đăp mpăn, têm nkrem, kơl an, mât chăm an ăp nŭih geh dơi kơl, rnăk ach o tâm nkuăl n’har bri, gôl dak./.