VOV4.M’nông – Tĭng Văn phòng rnâng kan Ban ntĭm rđău ngih dak mpeh njrăng n’gang trôk nar lơh, kơp tât 5 mông kêng măng 3/4, mih dak lip ta miền Trung lĕ ƀư 2 hê khĭt, du hê roh  n’hanh 5 nuĭh sôt rmanh. Na nê̆, mih dak lip ƀư rlâm 2 mlâm jay; 50 jay plôk chor; 262 duk mpan ngâm; nklăp 2 rbăn 600 nkĭ duk geh khuch; rlău 88 rbăn ha ba n’hanh nklăp 17 ha tuh mbo geh dak băm, khuch khat. Rdâk nkra jêh trôk nar lơh, ăp ntŭk lĕ ƀư nkra dak băm, dak rhoăt ntŭk tât kăch rek tât nĕ, tât nar 3/4, ăp n’gor Quảng Ngãi, Bình Định, n’hanh Phú Yên lĕ kăch rek rlău 23 rbăn ha ba; lĕ sŏk wơt geh 171 duk mpan. Văn phòng rnâng kan Ban Ntĭm rđău ngih dak mpeh njrăng n’gang trôk nar đă ăp ntŭk ndăn mkra khuch khat; ntop kơl nuĭh ƀon lan đah ndơ sông sa mô an geh rnăk ji ngot. Rgŏ jă rmôt kan kơl nuĭh ƀon lan răk rao ntŭk ntô, nkra ngih wâl geh plôk chor, dak băm, ơm đăp mpăn nău rêh an nuĭh ƀon lan.

Nŭih blang: Y Sưng Phê Ja