VOV4.M'nông: Nar 7/6, Nhih pah kan cảnh sát ôp uănh Bộ Công an hŏ n'glêh an lah phong nuĭh tih, manh nhŭp kân Bộ trưởng Bộ Y tế Nguyễn Thanh Long, Kruanh Ủy ban nhân dân nkual ƀon têh Hà Nội Chu Ngọc Anh n'hanh Thứ trưởng ơm Bộ Khoa học n'hanh Công nghệ Phạm Công Tạc gay ôp uănh ăp nău tih geh tât Công ty Việt Á n'hao rnoh khlay kit uănh năl Covid-19. Bah năp nê, ôi 7/6, Quốc hội hŏ n'hơr ti uănh an dŏng Nghị quyết bah Quốc hội mpeh nău an rlu đại biểu Quốc hội khóa 15 đah wa Nguyễn Thanh Long, Mpôl Đại biểu Quốc hội n'gor Vĩnh Long n'hanh uănh an dŏng Nghị quyết bah Quốc hội ŭch nău dăn đă bah Thủ tướng Chính phủ mpeh nău n'glơh tŭp đah Bộ trưởng Bộ Y tế năm kan 2021-2026. HĐND nkual ƀon têh Hà Nội khóa 16 hŏ n'hơr ti ŭch an n'glơh tŭp Kruanh Ủy ban nhân dân nkual ƀon têh Hà Nội khoá 16, năm kan 2021-2026 đah wa Chu Ngọc Anh. Ta năp nău dja, âk đại biểu Quốc hội an lah, aơ lah nkah rngăl mpeh nuih n'hâm uĕh cán bộ n'hanh du tơ̆ tay đŏng an saơ pah kan njrăng n'gang sa khâm, tih djơh "mô geh nkual mpăng, mô geh êng bah dih, kơp lĕ moh nuĭh nê"./.  

Nuĭh rblang: Điểu Thân